Ngemeng2 masalah mata pelajaran GT, embuh opo’o kok mata pelajaran iki paling gak disenengi arek2 (mbuh neh lek enek sing hobi karo pelajaran iki).
Sebab-e gak disengi onok akeh, koyoto :
- ancen-e gak seneng gambar
- males
- nggarape kudu melekan (asline seh perkoro males)
- gurune kereng (padahal lek awakmu dolan nang omahe pak Anang mangan sak wareg-e looo)
- lan liya-liyane

Masio GT mek diajarno pas kelas siji tok, tapi pelajaran iki ngentek2i bondho pol-polan.
Bayangno ae, siktas mlebu sekolah sing mbayare 2 juta (tahun 98 loooo) langsung dikon tuku alat gambar sing regane naudzubillahmindzalik.

Lek mek buku gambar A3 tok seh gak masalah, tapi lek wis mulai nggambar nang kertas kalkir….. iki sing masalah. Kertas larang (timbangane gawe tuku kalkir mending gae tuku djisamsoe ya), regane rapido sing sampek 200-300 ewu, byuhhhh pol-polan wis. During maneh tuku jangka karo penggaris.Oh yo, sik onok maneh, kudu tuku penggaris huruf, ben tulisane apik tur standar (jarene pak Anang sih ngono). Tapi enek arek Mildseven sing cap maut lek pekoro nulis huruf ngene iki, jenenge Eric Moelyowidiarto. Ndak perlu gawe garisan huruf, langsung tulis nang kalkir tur tulisane apik…. (lek kepepet arek2 biasane njaluk tulung nang Eric ^^). Dudu wong Jowo lek gak pinter ngakali rego barang2 nang nduwur, dengan modal Sok Kenal Sok Dekat biasane arek kelas siji nyedeki mas/mbak kelas 2/3. Takon2 mbok menowo onok sing ngedol rapido karo garisan-e, sukur2 onok sing gelem nyilihi. Lumayan kan duwike iso digawe njajan sing liyane.

Onok tradisi GT mulai angkatan 1 sampek angkatan 7 sing “dilestarikan”, wayangan alias melekan. Lek pas malem seloso, saben nginceng nang kosan arek2 mesti akeh sing melekan. Kate gak melekan yok opo, dino seloso tugas kudu dikumpulno. Ngerti dewe kan tradisine wong Indonesia, lek gak mepet gak ndang digarap ehehehe… Masio rekoso, pelajaran iki paling berkesan di hati pokoke ^^

Krungu2 teko angkatan2 anyar stm telpun jarene saiki wis ganok GT, mulai angkatan piro yo? Brarti pak Anang wis gak ngajar maneh ya? Brarti rapido rotring wis ganok maneh ya? Brarti melekan wis ganok maneh ya? Embuh wis, ancene wis tuwo tur ora tau nang sekolahan maneh. Dadi wis akeh gak ngerti kabar maneh 